KASE 2026 жылғы сәуір айы бойынша Қазақстандағы іскерлік белсенділік индексіне шолу жариялады

/KASE, 05.05.26/  – "Қазақстан қор биржасы" АҚ (KASE) өз интернет-
ресурсында Қазақстандағы 2026 жылғы сәуір айы бойынша іскерлік 
белсенділік индексіне (ІБИ) шолу жариялады. Аталған шолу Қазақстан 
Республикасы Ұлттық Банкі тарапынан кәсіпорындарға жүргізілген ай 
сайынғы сауалнама нәтижелері негізінде дайындалған және 
кәсіпорындардың экономикалық көрсеткіштеріндегі нақты өзгерістерге, 
сондай-ақ олардың болашақтағы өзгерістеріне қатысты күтулерге 
байланысты жауаптардың жиынтығын қамтиды.

ІБИ нақты сектордағы экономиканың жай-күйін сипаттайтын көрсеткіш 
болып табылады, экономикалық үрдістердің динамикасын, іскерлік циклдің 
сыни және бұрылыс нүктелерін зерттеуге мүмкіндік береді.

Қазақстан Республикасы Ұлттық Банкінің ақпаратына сәйкес:

"2026 жылғы сәуірде іскерлік белсенділік айтарлықтай жақсарды, көрсеткіш 
оң аймаққа өтіп, 50,7 құрады.

Іскерлік белсенділік индексінің динамикасы тау-кен өндіру өнеркәсібінен 
басқа барлық секторларда айтарлықтай жақсарды. Сонымен қатар, өндіріс, 
қызмет көрсету және құрылыс секторларындағы индекстер өсу аймағында 
болып, тиісінше 53,7, 51,0 және 50,4 құрады (наурызда – 50,6, 50,7 және 
44,9). Тау-кен өндіру өнеркәсібінде және саудада индикаторлар төмендеу 
аймағында қалып, тиісінше 48,5 және 49,1 болды (наурызда – 49,6 және 
48,2). Өндірісте жаңа тапсырыстар көлемінің, жұмыспен қамту деңгейінің 
және жаңа өнім көлемінің айтарлықтай өсуі байқалды".

Қазақ тіліндегі шолу – https://kase.kz/kz/indexes-and-indicators/pmi

Орыс тіліндегі шолу – https://kase.kz/ru/indexes-and-indicators/pmi

Ағылшын тіліндегі шолу – https://kase.kz/en/indexes-and-indicators/pmi

[2026-05-05]