KASE өз интернет-ресурсында 2026 жылғы шілде бойынша Қазақстанның іскерлік белсенділік индексіне шолу жариялады

/KASE, 05.08.26/ – "Қазақстан қор биржасы" (KASE) өз интернет-ресурсында 
Қазақстанның 2026 жылғы шілде айындағы іскерлік белсенділік индексіне 
(ІБИ) шолу жариялады. Шолуды Қазақстан Республикасының Ұлттық Банкі 
кәсіпорындарға жүргізілген ай сайынғы сауалнама нәтижесі бойынша 
дайындады және онда кәсіпорындардың экономикалық көрсеткіштерінің 
нақты өзгерістеріне және олардың болашақтағы өзгерістеріне қатысты 
күтулеріне байланысты сұрақтарға берген жауаптарының жиынтығы қамтылған.

ІБИ нақты сектордағы экономиканың жай-күйін сипаттайтын көрсеткіш 
болып табылады, экономикалық үрдістердің, іскерлік циклдің сыни және 
бетбұрыс нүктелерінің серпінін зерттеуге мүмкіндік береді.

Қазақстан Республикасы Ұлттық Банкінің ақпаратына сәйкес:

"2026 жылғы шілдеде іскерлік белсенділік индексі (ІБИ) бейтарап деңгейден 
сәл төмен болып, 49,8 құрады.

Іскерлік белсенділіктің оң серпіні өндірісте, құрылыста және қызмет 
көрсету саласында байқалды, мұнда индекстер бейтарап деңгейден (50) 
жоғары қалыптасып, тиісінше 52,2, 51,8 және 50,4 болды (маусымда – 
52,4, 54,2 және 49,8). Саудада және тау-кен өндіру өнеркәсібінде 
индекстер төмендеу аймағында қалып, тиісінше 46,6 және 47,2 болды 
(маусымда – 48,0 және 46,6). Саудада барлық компонент бойынша 
көрсеткіштердің төмендеуі тіркелді, оның ішінде жеткізу мерзімдері 
бойынша төмендеу неғұрлым айқын болды. Тау-кен өндіру өнеркәсібінде 
жаңа тапсырыстардың, жаңа өнім шығару көлемінің және жұмыспен 
қамту деңгейінің қысқаруы байқалды."

Қазақ тіліндегі шолу – https://kase.kz/kz/indexes-and-indicators/pmi

Орыс тіліндегі шолу – https://kase.kz/ru/indexes-and-indicators/pmi

Ағылшын тіліндегі шолу – https://kase.kz/en/indexes-and-indicators/pmi

[2026-08-05]