24 желтоқсаннан бастап KACC өзінің ресми интернет-ресурсының жаңа нұсқасын іске қосады

/KACC, 06.01.26, 24.12.25 жаңалығын қайталау/ – KASE клиринг орталығы 
(KACC, Клиринг орталығы) 2025 жылғы 24 желтоқсаннан бастап өзінің 
ресми интернет-ресурсының жаңа нұсқасының іске қосылғанын 
хабарлайды, ол https://kacc.kz сілтемесі бойынша қолжетімді.

Тәжірибелік-өнеркәсіптік пайдалану кезеңінде Клиринг орталығының жаңа 
сайты қолданыстағы https://kacc.kase.kz/kz/ интернет-ресурсымен қатар 
жұмыс істейтін болады, оны толық көлемде сүйемелдеу жалғасады.

KACC сайтының жаңа нұсқасы цифрлық сервистерге қойылатын заманауи 
талаптарды ескере отырып әзірленген және пайдаланушылардың клиринг 
және есеп айырысу инфрақұрылымымен өзара іс-қимылының ыңғайлылығы 
мен ашықтығын арттыруға бағытталған. Сайт бейімделген нұсқаларда 
(десктоп, планшет және мобильді құрылғылар) қазақ, орыс және ағылшын 
тілдерінде қолжетімді.

Жаңа интернет-ресурсты әзірлеу аясында келесі шешімдер іске асырылды:

- ақпаратты қабылдау мен навигацияны жеңілдету үшін UI/UX дизайнына 
  заманауи тәсілдер қолданылды;

- Клиринг орталығының негізгі функциялары мен қызметтеріне назар 
  аудара отырып, басты беттің құрылымы жаңартылды;

- қажетті ақпаратқа жылдам қол жеткізу үшін мәзірлер мен бөлімдер 
  арасында ауысу логикасы оңтайландырылды;

- контент пайдаланушылардың әртүрлі санатының (клирингілік 
  қатысушылар, есеп айырысу ұйымдары, эмитенттер, нарықтың кәсіби 
  қатысушылары) қажеттіліктерін ескере отырып, жаңартылды және 
  құрылымдалды;

- сайттың функционалы кеңейтілді, оның ішінде клиринг және есеп 
  айырысу процестері бойынша анықтамалық және түсіндірме 
  материалдар қосылды.

Клиринг орталығының ресми интернет-ресурсы нарық қатысушыларына 
KACC қызметі, клиринг қызметтері, нормативтік құжаттар және 
инфрақұрылымдық шешімдер туралы ақпарат берудің негізгі арналарының 
бірі болып табылады.

Тәжірибелік-өнеркәсіптік пайдалану кезеңінде KACC жаңа сайттың жұмысы 
туралы кері байланысты бағалайды. Ескертулер мен ұсыныстарды мына 
электрондық поштаға жіберуге болады: infokacc@kase.kz

[2026-01-06]