30 қаңтардан бастап "Қазақстан қор биржасы" АҚ мүшелеріне және олардың шоттарына, сауда-саттық жүйелерін пайдаланушыларға, бағалы қағаздар эмитенттеріне және қаржы құралдарына кодтар беру тәртібі туралы нұсқаулыққа және Мәмілелер жасасу мақсатында сауда-клирингілік шоттарды пайдалану ережелеріне түзетулер қолданысқа енгізіледі

/KASE, 30.01.26/ – Қазақстан қор биржасы Басқармасының (KASE) 
2026 жылдың 29 қаңтарындағы шешімімен KASE ішкі құжаттарына мынадай 
түзетулер бекітілді:

1) "Қазақстан қор биржасы" АҚ мүшелеріне және олардың шоттарына, 
   сауда-саттық жүйелерін пайдаланушыларға, бағалы қағаздар 
   эмитенттеріне және қаржы құралдарына кодтар беру тәртібі туралы 
   нұсқаулыққа № 16 өзгертулер;

2) Мәмілелер жасасу мақсатында сауда-клирингілік шоттарды пайдалану 
   ережелеріне № 4 өзгертулер мен толықтыру.

Түзетулер 2026 жылдың 30 қаңтарынан бастап қолданысқа енгізіледі.

Түзетулер KASE мүшелерінің клиенттеріне "валюталық" санатындағы 
кодтарды берудің екінші нұсқасын енгізуге байланысты енгізілді, ол валюта 
нарығындағы сауда-саттыққа қатысушының клиенттері үшін "Бағалы 
қағаздардың орталық депозитарийі" АҚ есепке алу жүйесінде ашылған қор 
нарығы клиенттерінің кодтарын пайдалануды көздейді.

Жоғарыда көрсетілген құжаттардың жаңартылған мәтіндері KASE интернет-
ресурсында мына сілтеме бойынша жарияланады 
https://kase.kz/ru/information/rules (закладка "Торги").

[2026-01-30]