KASE өзінің интернет-ресурсында 2026 жылдың қаңтар айында Қазақстандағы іскерлік белсенділік индексі бойынша шолуды жариялады

/KASE, 05.02.26/ – Қазақстан қор биржасы (KASE) өзінің интернет-
ресурсында 2026 жылдың қаңтар айында Қазақстандағы іскерлік белсенділік 
индексі (ІБИ) бойынша шолуды жариялады, оны Қазақстан 
Республикасының Ұлттық Банкі кәсіпорындардың ай сайынғы 
сауалнамасының нәтижелері бойынша дайындады және кәсіпорындардың 
экономикалық көрсеткіштерінің нақты өзгерістеріне және олардың 
болашақтағы өзгерістеріне қатысты күтулеріне қатысты сұрақтарға 
кәсіпорындардың жауаптарының жиынтығын қамтиды.

ІБИ – нақты сектордағы экономиканың жағдайын сипаттайтын көрсеткіш, 
экономикалық тенденциялардың динамикасын, бизнес циклінің маңызды 
және бетбұрыс нүктелерін зерттеуге мүмкіндік береді.

Қазақстан Республикасы Ұлттық банкінің ақпаратына сәйкес:

"2026 жылғы қаңтарда іскерлік белсендік жақсарып, оң аймаққа оралды. Бұл 
негізінен қызмет көрсету секторындағы көрсеткіштің жақсаруына 
байланысты.

Белсенділіктің жақсару белгісі қызмет көрсету саласында байқалды. Индекс 
өсу аймағына өтіп, 52,1 болды (2025 жылғы желтоқсанда – 49,0). Өндіріс пен 
саудада индекс өсу аймағында қалып, 50,8 және 50,3 болды (2025 жылғы 
желтоқсанда – 52,0 және 51,3). Құрылыста көрсеткіш жақсарғанымен, 
төмендеу аймағында қалып отыр – 47,1 (2025 жылғы желтоқсанда – 45,4), 
таукен өнеркәсібінде көрсеткіш 49,1-ге дейін төмендеді (2025 жылғы 
желтоқсанда – 49,4).

Қазақ тіліндегі шолу – https://kase.kz/kz/indexes-and-indicators/pmi

Орыс тіліндегі шолу – https://kase.kz/ru/indexes-and-indicators/pmi

Ағылшын тіліндегі шолу – https://kase.kz/en/indexes-and-indicators/pmi

[2026-02-05]