22 маусымнан бастап Листингілік ережелерге енгізілген түзетулер қолданысқа енгізіледі

/KASE, 22.06.26/ – Қазақстан қор биржасының (KASE) Директорлар кеңесінің 
2026 жылдың 19 маусымындағы шешімімен 2026 жылдың 22 маусымынан 
бастап қолданысқа енгізілетін KASE "Листингілік ережелер" атты ішкі 
құжатына № 14 өзгертулер мен толықтырулар (түзетулер) бекітілді.

Түзетулер листингілік процедуралар мен листингілік талаптарды 
өзектендіру мақсатында енгізілді.

Түзетулерде мыналар қарастырылған:

1) "негізгі" және "жеке орналастыру" алаңдарының жұмыс істеп тұрған 
   листингілік компаниялары үшін мынадай шарттарды бір мезгілде сақтай 
   отырып, Листингілік ережелердің 9 бабында қарастырылған қаржылық 
   есептілік жиынтығына қойылатын талаптарды қолданбау:

  - бағалы қағаздарды тізімге қосу туралы өтініш берген күні KASE 
    ресми тізімінде осы эмитенттің басқа да бағалы қағаздарының 
    болуы қажет;

  - осы эмитенттің бағалы қағаздарының соңғы шығарылымы енгізілген 
    күннен бастап бағалы қағаздарды тізімге қосу туралы өтініш берілген 
    күнге дейін 12 айдан аспайды;

  - бағалы қағаздарды тізімге қосу туралы өтінішті беру күніне соңғы 
    12 ай ішінде KASE ішкі құжаттарында белгіленген осы эмитентке 
    қатысты қаржылық есептілікті ашу шарттары немесе мерзімдері 
    бойынша бірде-бір бұзушылық тіркелмеген (оның ішінде осы кезеңде 
    KASE Басқармасының оны ұсыну бойынша кейінге қалдыруды 
    немесе оны беру жөніндегі талапты орындамау мүмкіндігін беру 
    жағдайлары жоқ);

  - қаржы ұйымдары үшін-соңғы 12 ай ішінде бағалы қағаздарды тізімге 
    қосу туралы өтініш берген күні пруденциалдық нормативтерді, 
    сондай-ақ уәкілетті орган белгілеген өзге де нормалар мен 
    шектелімдерді орындау бойынша бірде-бір бұзушылық тіркелмеген.

  Бағалы қағаздары KASE ресми тізіміне енгізілмеген/KASE ресми 
  тізімінде айналымға жіберілмеген жаңа эмитенттерге және көрсетілген 
  шарттарға сәйкес келмейтін листингілік компанияларға листингтің 
  алаңы мен күнін ескере отырып, толық көлемде қаржылық есептілік 
  жиынтығын ұсыну қажет, атап айтқанда:

  - аудиторлық есеппен расталған жылдық қаржылық есептілік;

  - аудиторлық есеппен немесе осы есептілікті шолу есебімен 
    расталған аралық қаржылық есептілік;

  - аудиттелмеген жылдық немесе аралық қаржылық есептілік;

2) "Жеке орналастыру" алаңына жеке орналастыруға жататын, Бағалы 
   қағаздар нарығы туралы заңның талаптарына сәйкес шығарылған 
   мемлекеттік емес облигацияларды ғана емес, сондай-ақ өзге заңнамаға 
   сәйкес шығарылған, жеке орналастыруға жататын басқа да 
   облигацияларды жіберу;

3) "мемлекеттік бағалы қағаздар" секторына енгізу үшін шетелдік 
   мемлекеттік бағалы қағаздардың айналым мерзімін қосу туралы өтініш 
   берілген күнге кемінде күнтізбелік 90 күннен бастап 100 күнтізбелік 
   күнге дейін ұлғайту.

Сонымен қатар, Листингілік ережелерге редакциялық түзетулер енгізілді.

Листингілік Қағидалардың жаңартылған мәтіні KASE интернет-ресурсында 
мына сілтеме бойынша жарияланады https://kase.kz/ru/kase_rules/ ("Листинг" 
қалташасы).

[2026-06-22]